打工仔一世人流流長，總會跳幾次槽。ick 新聞日前題為《遞辭職信被挽留 老細邊句話令你留低》，問讀者們會如何回應老闆的留人說話，讀者們的「創作力量同幻想」真的令ick 編輯甘拜下風！

ick 編輯將３名ABC具創意的得獎者答案分成三類并歸納如下，不知道大家看罷會否會心一笑呢？

• 打油詩

有讀者將與老細間對答寫成押韻打油詩，將打工仔與老細那種「跟著矛盾去打工」的矛盾描寫得淋漓盡致，應該說出不少打工仔的心聲吧。

做生不如做熟，一世都要著（編按：著）制服！

年底加你人工，見到人都要鞠躬！

咁既人工邊度揾，不出一年做監躉！

• 妙問妙答

有讀者以三句「邏輯獨到」又「貼地」的句子來回絕老闆的挽留請求，果真是「危急生智」，再帶點瀟灑不羈！

做生不如做熟

答：請生不如請熟，加人工啦！

年底加你人工

答：咁我年底先返嚟做

咁嘅人工邊度搵呀

答：的確好難搵到份工咁低人工

• 議論文

假如要吐職場上的苦水，可能講足365日都講不完。有讀者則撰寫長如議論文，動之以情、說之以理把老闆留人說話逐破，可謂字字珠磯！

老細，家家有求，我能力可以為公司帶黎好處，你今日先會同我講呢番說話。

我當然知「做生不如做熟」，正如你請個新人番黎都唔知佢掂唔掂，係咪？但我有信心起新公司可以同而家一樣做得好好。

我都做左一段日子，人地公司未知我表現係點都即刻俾（待遇同發展）到我，呢一刻你覺得再請一個相同水準既人替我，人工會一樣嗎？見工請人都要成本，仲要冒險未必一定巖。

「咁既人工邊度搵」，你係個Smart老細，雖然我未必100分，但我相信你都有問過下自己「咁既員工邊度搵呀？！」先會挽留我。

你俾到我待遇同發展，如果我做得唔好，你可以燉我減我人工炒我都仲得，決定權起你手上。

但你俾唔到待遇同發展我，決定權就係起我度（我先係老闆）。

我都好希望繼續同你做野，因為你係一個Smart老闆。=)

不知道大家有沒有想到其他方法來回絕老闆的留人請求呢？