陀螺小子嘅故事可以話係萬中無一，一個角色竟然可以同時出現係《奇形怪狀CV系列》同埋《見工奇行種系列》，可謂有今生無來世嘅真·經典！（未睇上集可以click返下面條link)

上回講到我一而再再而十咁將陀螺小子嘅追魂電郵掉進資源回收桶，過左一段時間已經冇再收到佢嘅追魂信，可能因為陀螺老豆冇再催佢搵工啦。我以為自己同陀螺小子此生都不會相見，但少年我實在太年輕了！

到底點樣先可以令自己成功見到一份人地唔想見你嘅工呢？陀螺小子做咗個完美示範。你不得不佩服陀螺小子對薯仔公司嘅熱誠，因為佢真係十分留意我地公司嘅動向。我同陀螺小子相遇嘅地方係.....一場公開招聘會。

陀螺小子登場一刻我并唔認得佢，眼前呢位先生著住件T-shirt牛仔褲嚟見工，不修邊幅嘅髮型帶點浪子嘅味道。

你好！簡單介紹下自己先啦！

我叫『陀螺小子』，啱啱係內地讀完書返香港，前排搵到份長工。其實之前我都send過CV嚟薯仔公司但都冇消息，咁啱見到今日有得即場面試磚登請假嚟！呢度有我份CV，你睇下！

一見到嗰張影住張相嘅相，我就認得呢份俾我放咗入資源回收筒無數次嘅CV！係嗰兩秒鐘，時間就好似靜止咗咁，世界只剩下我同陀螺小子，份CV勾起我地之間無數嘅回憶…汪呀姐把聲馬上係我腦海響起…「經過那些年…」經過一段時間，我發夢都冇諗過我地會有相遇嘅一刻。

我同自己講冷靜啲！有咩風浪未見過呀！我強行運用面部肌肉址返埋我個O曬出嚟嘅O咀，然后繼續問：

我留意到你讀完大學之后有兩年空檔喎，你做咗啲咩？

我係內地讀完大學之后游歷咗兩年！重完成埋個碩士課程！

陀螺小子充滿自信咁講。

我睇一睇佢份form真係填左某ABC大學嘅碩士課程！聽講呢間好難入，莫非陀螺小子其實係天才？咪住先！睇真啲！點解隔離寫住「旁聽課程，沒有證書」？遙距課程就聽過者！旁聽課程真係聞所未聞

我見你寫住話係xx大學讀嘅master係旁聽課程...

係呀！我游歷嘅時候係呢間大學做旁聽生，我聽曬成個碩士課程嘅堂?。

嚇？我聽完佢講后我真係呆咗幾秒，點解sit曬成個課程嘅堂會覺得自己係讀完master， 重可以寫落CV度？呢個時候面部肌肉已經失去功能，個O嘴出曬嚟

即係話你去sit左兩年堂？但根本冇報過碩士課程？

係呀！上網好容搵到碩士課程嘅時間表，我跟時間表走入去課室聽。我真係聽曬?！

陀螺小子真係天才嚟，扮學生上堂兩年都冇俾人發現，好彩佢唔係恐怖分子咋。但係咁樣都可以寫落CV度當讀完Master，我得閑都要去sit返個Master返嚟。

當我覺得唔好再浪費大家時間嘅時候…佢個稿速旋轉嘅陀螺好似突然開行turbo，開始講唔停口…

我大學時間都參加過話劇表演架，我有參加過朗誦比賽，做過演員係學校ABC型嘅舞臺度表演。

我知呀…愛恨情仇乜乜乜嗰套嘛…

我游歷嘅時候有去過黑龍江、吉林、江西.....

我知呀...你個行程我都就快背得出

雖然我都返緊工，但我ABC想都係成為薯仔公司嘅一份子！

聽完佢一輪嘴講完之后，我同佢講有消息會盡快通知，ABC后陀螺小子一個華麗轉身就離開咗我視線。

當然大家都知道我ABC后都冇俾任何消息佢，雖然陀螺小子份人比較騎呢，但其實佢幾有熱誠，只係唔太適合薯仔公司。如果大家有興趣申請一份工又不妨留意多啲間公司有冇攪招聘會或者講座，學陀螺小子咁去碰碰運氣。Sit堂果方面大家有興趣嘅話可以試下，試完話我知有冇俾人踢返出嚟。

我會好好珍惜今次同陀螺小子相遇嘅緣份…祝佢係依家間公司可以繼續稿速旋轉，得閑可以單挑下比卡超、車厘龜同事。

原文刊于HR小薯蓉Facebook，ick獲授權轉載，標題經ick 編輯修改，原題為「見工奇行種系列之陀螺小子驚世現身」。