海洋公園夏水禮 「 鯊魚」四處走

海洋公園將舊有嘅海洋館改建為鯊魚館「尋鯊探秘」，下周四（26日）開幕。新館有過百條鯊魚同魔鬼魚展出，為隆重其事，今年嘅「夏水禮」都用鯊魚做主題，叫做「鯊膽夏水禮」。一向鍾意扮鬼扮馬嘅主席盛智文，喺鯊魚館開幕當日，唔知會否扮鯊魚慶祝兼娛賓呢？

鯊魚館下周四開幕

放大及觀看全部圖片(1張)

公園翻新工程陸續完成，新鯊魚館下星期四舉行開幕禮，新館可以畀游人360度觀賞過百條珍貴鯊魚及魔鬼魚，當然唔少得教育展示同嘅互動設施，包括「鯊膽」游戲站，畀大家了解鯊魚嘅生態歷史同有趣知識。

至于「鯊膽夏水禮」其中一項活動「夏日狂歡派對」，將有巨型舞池畀大家喺燈光下同泡泡共舞，公園更安排鯊魚造型嘅勁舞團表演，隨時向來賓發動水球攻擊咁話，到時見到鯊魚喺身邊行過，千祈唔好驚呀！